Ikipe ya APR VC na Kepler VC zihagarariye u Rwanda zakomeje muri 1/8 cy’imikino Nyafurika ya Volleyball ihuza amakipe yabaye aya mbere mu bihugu byayo.
Aya makipe yombi yakinnye ku mugoroba wo ku wa Kane, tariki ya 24 Mata 2025, mu mikino Nyafurika ya Volleyball iri kubera mu Mujyi wa Misurata muri Libya hagati y’itariki ya 20-30 Mata 2025.
Kepler VC yageze ku mwanya wa kabiri n’amanota 12 mu Itsinda C nyuma yo gutsinda Ikipe ya Waliota VC yo muri Ethiopia amaseti 3-0.
Ku rundi ruhande APR VC yageze ku mwanya wa gatatu n’amanota 9 mu Itsinda D, nyuma yo gutsindwa na Al Nasr yo muri Morocco amaseti 3-1.
APR VC na Kepler VC zihagarariye u Rwanda muri iyi Shampiyona yitabiriwe n’amakipe 23 yabaye aya mbere mu bihugu byayo muri Afurika.
