Minisitiri w’Uburezi, Joseph Nsegimana, yasabye abarangije amasomo muri Kaminuza y’u Rwanda (UR) gukoresha ubumenyi n’ubushobozi bungutse mu gukemura ibibazo byugarije sosiyete, guhanga imirimo no kugira uruhare mu iterambere ry’igihugu, aho kwibanda gusa ku gushaka akazi.

Kaminuza y’u Rwanda yashyize ku isoko ry’umurimo abanyeshuri 4,953 barangije amasomo mu mashami atandukanye muri koleji 8 zigize iyi Kaminuza.

Komisiyo y’Inteko Ishinga Amategeko Umutwe w’Abadepite ishinzwe Uburezi, Ikoranabuhanga, Siporo n’Umuco, yagaragarije Minisiteri y’Uburezi impungenge itewe n’ibibazo by’ibura ry’ibitabo mu mashuri ndetse n’ibya za mudasobwa zahawe ibigo by’amashuri ariko zikaba zitagikora.

Minisiteri y’Uburezi yatangaje ko hakenewe ibyumba by’amashuri 40.000 kugira ngo hagabanuke ubucucike mu mashuri no gukemura ikibazo cy’abanyeshuri biga igice cy’umunsi, ivuga ko kubigeraho bizasaba igihe n’amikoro ahagije.

Kaminuza ya Zhengzhou Electric Power College (ZEPC) yo mu mu Bushinwa yigisha ibijyanye n’ingufu, yakiriye icyiciro cya kabiri cy’abanyeshuri b’Abanyarwanda bagiye kuhigira.

Hatashywe ibikorwaremezo by’uburezi birimo ibyumba by’amashuri, ibyumba by’isuku y'umukobwa na laboratwari byubatswe mu Karere ka Gicumbi, bikaba byuzuye bitwaye amafaranga asaga miliyari 7,4 Frw.

Kaminuza yigenga ya Kigali (ULK) yatangiye gutanga amasomo y’icyiciro cya gatatu cya kaminuza cya PhD, mu rwego rwo kongera umubare w’abahanga bashobora gukora ubushakashatsi bwimbitse no gushakira ibisubizo ibibazo byugarije igihugu, cyane cyane mu bukungu.

Urwego rw’Igihugu rushinzwe guteza imbere Uburezi bw’Ibanze (REB) rwizeza ko Umunsi wa Mwarimu usanze hari byinshi bimaze gukorwa mu kuzamura imibereho ye, kandi ko hakomeje gutekerezwa ibyanozwa kugirango arusheho gutera imbere aterwe ishema no kurerera u Rwanda.

Ubuyobozi bw’Akarere ka Gatsibo bwatangaje ko bugiye gukemura ikibazo cy’ibyumba by’amashuri bidahagije ndetse no kuvugura ibishaje n’ibito bituma habamo ubucucike ibyo abanyeshuri n’ababyeyi bagaragaza ko ari ikibazo ku myigire y’abana muri aka karere.

Umuhanga mu mitekerereze ya muntu arasaba ababyeyi kugenzura igihe abana bamara bakoresha ibikoresho by’ikoranabuhanga, kuko umwana adakwiye kurenza iminota 40 muri rusange ku munsi kuri telefoni, televiziyo, mudasobwa n’ibindi bikoresho.