Ubuyobozi Bukuru bwa sosiyete y’u Rwanda ishinzwe Ingufu, REG, bwatangaje ko ibice byo mu turere dutanu two mu ntara y’Amajyepfo, ku wa 20 Kanama 2025, tuzabura umuriro.
REG ivuga ko umuriro uzabura mu karere ka Gisagara n’ibice byo mu turere twa Nyanza, Huye, Ruhango na Nyaruguru, ukazabura ku wa Gatanu tariki ya 20 Kanama 2025, kuva saa yine (10H00) kugeza saa munani (14h00).
Mu itangazo, REG ivuga ko iri bura ry’uyu muriro rizaba ritewe nuko sitasiyo ya Gisagara iri gusanwa.
REG yasabye abantu bose bo muri utwo turere kwitondera insinga z’amashanyarazi.
Iti “ Abantu bose barasabwa kwitondera insinga z’amashanyarazi kuko umuriro ushobora kugaruka mbere y’isaha yavuzwe haruguru.”
REG yiseguye ku bafatabuguzi kubera ibura ry’umuriro mu gihe hazaba hari gukorwa ibikorwa byo gusana iyo sitasiyo.
