U Rwanda rugiye kwakira inama ihuza abagaba b’Ingabo zirwanira ku butaka
U Rwanda rugiye kwakira Inama ya Kabiri y’Abagaba b’Ingabo zirwanira ku Butaka [Land Forces Commanders Symposium] .
Izahuriza hamwe abaturutse hirya no hino muri Afurika no hanze yaho, aho bazaba baganira ku bufatanye bukenewe mu gukemura ibibazo by’umutekano.
Iyi nama iteganyijwe tariki 21-22 Ukwakira 2025.
Ifite insanganyamatsiko igira iti “Gukoresha ubushobozi bw’ingabo zirwanira ku butaka mu kuzamura ishyirwa mu bikorwa ry’ingamba z’amahoro n’umutekano”
Ubuyobozi bw’Ingabo z’uRwanda buvuga ko iyi nama igiye gukarishya no gusangizanya ubunararibonye, kubaka Ubufatanye mu bya gisirikare no kwagura imikoranire mu rwego rwo gucyemura ibibazo bitandukanye.
Iyi nama izaba ari umwanya wo gusangizanya ubunararibonye mu bijyanye no kubungabunga amahoro n’umutekano muri Afurika no hanze yayo.
Iyi nama ikazatangirwamo ibiganiro bitandukanye bizagirwamo uruhare n’abayobozi ba gisirikare, inararibonye mu bijyanye n’ingabo n’abandi bafatanyabikorwa mu by’umutekano no guharanira amahoro bo mu karere ndetse no ku ruhando mpuzamahanga
