Ikigo cy’Igihugu cy’Ibarurishamibare (NISR) , gitangaza ko muri Nzeri 2025, ibiciro rusange byo mu nganda byazamutseho 13,5%, ugereranyije na Nzeri 2024.
Ni ibikubiye muri Raporo y’Ihindagurika ry’ibiciro mu nganda zo mu Rwanda yashyizwe hanze muri uku Kwezi ku Ugushyingo n’Ikigo cy’Igihugu cy’Ibarurishamibare (NISR).
NISR ivuga ko iri zamuka ryatewe ahanini n’izamuka rya 13,4% ry’ibiciro byo mu nganda zikora ibintu bitandukanye.
Ikigo cy’Igihugu cy’Ibarurishamibare (NISR) kivuga ko Ugereranyije Nzeri 2025 na Kanama 2025, ibiciro byo mu nganda ku bicuruzwa imbere mu gihugu byazamutseho 0,3%.
NISR ivuga ko byatewe n’izamuka rya 0,4% ry’ibiciro byo mu nganda zikora ibintu bitandukanye.
Muri Nzeri 2025, ibiciro byo mu nganda ku bicuruzwa byoherezwa hanze y’igihugu byazamutseho 14,9% ugereranyije na Nzeri 2024.
Ibi byatewe ahanini n’izamuka ry’ibiciro byo mu nganda zitunganya icyayi byazamutseho 17,6% n’biciro byo mu nganda zitunganya ikawa byazamutseho 15,3%.
Ikigo cy’Igihugu cy’Ibarurishamibare (NISR) kivuga ko Ugereranyije Nzeri 2025 na Kanama 2025, ibiciro byo mu nganda ku bicuruzwa byoherezwa hanze byazamutseho 7%.
Ibi byatewe ahanini n’izamuka ry’ibiciro byo mu nganda zitunganya ikawa byazamutseho 14,6% n’ibiciro byo mu nganda zitunganya icyayi byazamutseho 1,3%.
