Minisiteri y’Ubuzima yatangaje ko abari barwaye icyorezo cya Marburg bose bakize, isaba abantu gukomeza kwirinda bakurikiza ingamba zashyizweho.
Imibare yashyizwe hanze na Minisiteri y’Ubuzima kuri uyu wa gatanu, tariki ya 8 Ugushyingo 2024, igendanye n’uko icyorezo cya Marburg gihagaze muri iki cyumweru igaragaza ko hafashwe ibipimo 1390 bagasanga ntawufite ubwandu.
Minisante yasabye abaturage kutirara bagakomeza gukurikiza amabwiriza agendana no kurwanya icyorezo cya Marburg, ati” ingamba zo kwirinda no guhashya icyorezo zirakomeje.”
Hashize ukwezi n’igice icyorezo cya Marburg kigaragaye mu Rwanda, kuri ubu hamaze gufatwa ibipimo 7408 byagaragayemo 66 banduye iki cyorezo barimo 15 bapfuye, abasigaye bose bamaze gukira.
