Abanyeshuri 108 biga mu Ishuri Rikuru rya Gisirikare i Nyakinama mu Karere ka Musanze bakoze ibirori byo kumurika imico y’ibihugu bisaga 20 bakomokamo, mu rwego rwo kurushaho kumenyana.
Ni igikorwa cyabaye kuri uyu wa Gatanu, tariki ya 10 Mutarama 2025, kibera mu Kigo cya Gisirikare giherereye i Nyakinama.
Aba banyeshuri baturuka mu bihugu 20 birimo 19 byo ku Mugabane wa Afurika bagizwe na 78 bo mu Rwanda, n’abandi 25 bo mu bindi bihugu birimo kimwe cyo ku Mugabane wa Aziya.
Cyari igikorwa kigamije gufasha abanyeshuri kumenyana no kuba bakwisanzuranaho kugira ngo bizabafashe mu gihe bazaba bahuriye mu nshingano z’akazi.
Kwerekana umuco byakozwe mu buryo butandukanye aho bamuritse amafunguro, imbyino, indirimbo n’ibindi bitandukanye.
Abanyeshuri biga mu Ishuri Rikuru rya Gisirikare barimo 78 bari mu Ngabo z’u Rwanda, babiri bo muri Polisi y’u Rwanda na babiri bo mu Rwego rw’u Rwanda Rushinzwe Igorora (RCS).
