Ikipe y’igihugu y’Amavubi yatsinzwe na Libya igitego 1-0, mu mukino wo gushaka itike y’igikombe cya Afurika cya 2025, kizabera muri Morocco.
Ni umukino wabaye kuri uyu wa Kane, tariki ya 14 Ugushyingo 2024, muri Stade Amahoro, aho u Rwanda rwari rwakiriye ikipe ya Libya.
Igice cya mbere cy’umukino cyatangiye Amavubi afite imbaraga zo gukina no gushaka igitego, ariko abakinnyi b’ikipe ya Libya baba ibamba.
Ku munota wa 17 u Rwanda rwarase igitego gikomeye nyuma y’uko Kwizera Jojea arekuye umupira imbere y’izamu rya Libya ariko unyura imbere y’abakinnyi batatu ntibawushyira mw’izamu.
Ku munota wa 26, u Rwanda rwabonye kugura y’ikosa Bader Hassan yakoreye Bizimana Djihard, iterwa na Kwizera jojea ariko ijya ku ruhande.
Mu gice cya kabiri U Rwanda rwakomeje gukinana imbaraga ariko umuzamu wa Libya akomeza kuhahagarara neza.
Ku munota wa 50 umuzamu wa Libya, Murad Abu Bakar yakuyemo ishoti rikomeye rya Mugisha gilbert, naho ku munota wa 52 Ntwali fiacre nawe agarura umupira ukomeye wari utewe na Bader Hassan.
Ku munota wa 83, Libya yafunguye izamu ry’u Rwanda itsinda igitego cyaneee na Fahid Mohamed, umukino urangiye Libya itsinze u Rwanda 1-0.
Ibi bihugu byombi biri mu itsinda D aho biri kumwe na Nigeria iriyoboye n’amanota 10, na Benin ifite amanota atandatu, u Rwanda ni urwa gatatu n’amanota atanu na Libya ya kane yagize amanota ane.
Nyuma y’umukino w’u Rwanda na Libya muri iri tsinda rya D, harakinwa undi mukino uza guhuza Nigeria na Benin, uze kwakirwa n’ikipe y’igihugu ya Benin.
