Kuri uyu wa gatatu, tariki ya 5 Werurwe 2025, Shampiyona y’u Rwanda ya Basketball 2025, mu bagabo irakomeza, aho hari bukinnwe imikino itatu irabera muri Petit Stade Amahoro.
Iyi mikino ni APR vs Espoir uratangira saa Kumi nimwe, Azomco vs Tigers uratangira saa Moya na REG vs Kepler uri butangire saa Tatu.
Kwinjira ni ibihumbi 3000 ahasanzwe n’ibihumbi 5000 hasi, ariko iyi mikino yose umuntu akaba ashobora kuyikurikirana imbonankubone ku rubuga www.irebero.com.
Shampiyona ya Basketball ya 2025 yatangiye tariki ya 21 Mutarama izasozwa tariki 1 Kanama 2025, ikaba ifite imyihariko itandukanye irimo kuba uyu mwaka hazakinwa imikino myinshi y’abagore kurusha iy’abagabo, ndetse ikipe zose zitabiriye zerekanye byibura miliyoni 100 asabwa ikipe yazamutse.
Iyi Shampiyona yabanjirijwe n’irushanwa rya Super Cup Tournament, rikinwa n’ikipe yatwaye Shampiyona ndetse n’ikipe yakinnye Rwanda Cup, mu bagabo n’abagore, ryegukanywe na APR BBC na REG WBBC.
Ku bari hanze y’Igihugu cyangwa abatabasha kugera muri Petit Stade, bashobora gukurikirana iyi mikino yombi banyuze ku rubuga ‘Irebero’, wishyura 3000 Frw kuri buri mukino, ku bari mu Rwanda, n’amadorali atatu (3$) ku bari hanze y’u Rwanda.
Sura urubuga www.irebero.com, wiyandikishe ukoresheje (nimero cyangwa email), uhitemo umukino wifuza gukurikira. Ushobora gukanda kuri ‘Buy Plan’, ukishyira kugira ngo uze kuryoherwa n’imikino y’ishiraniro ibanziriza Shampiyona y’u Rwanda muri Basketball.
