Ikipe y’Igihugu y’u Rwanda ya Basketball yatsinze iya Gabon amanota 90-63, mu mikino yo gushaka itike y’Igikombe cya Afurika, iri kubera mu mujyi wa Dakar muri Senegal.
Uyu mukino wahuje amakipe y’ibihugu byombi wabaye ku Cyumweru, tariki ya 25 Ugushyingo 2024.
Muri uyu mukino agace ka mbere karangiye u Rwanda rufite amanota 28-21 ya Gabon. Ni uku byakomeje no mu gace ka kabiri aho karangiye u Rwanda rutsinze amanota 22 kuri 13, bituma igice cya mbere kirangira u Rwanda ruyoboye umukino.
Agace ka gatatu, Gabon yitwaye neza, karangira banganya amanota 15, mu gihe agace ka kane ari nako ka nyuma u Rwanda rwatsinze 25-14, umukino urangira u Rwanda rutsinze Gabon amanota 90-63.
U Rwanda ruri mw’itsinda rimwe na Senegal iriyoboye n’amanota atandatu, ku mwanya wa kabiri hari Cameroun n’amanota atanu, u Rwanda ruza ku mwanya wa gatatu n’amanota ane, Gabon ni iya kane n’amanota atatu.
