Kuri uyu wa gatatu, tariki ya 27 Ugushyingo 2024, umuhanzi Bruce Melody yatangaje ko yishimiye guhura na Ambasaderi w’u Rwanda muri Canada, Prosper Higiro.
Bruce Melody yanyujije ubutumwa ku rubuga rwa X, agaragaza ko yishimiye guhura na Ambasaderi w’u Rwanda muri Canada, ndetse no kuruhagararira ku rwego mpuzamahanga.
Yanditse ati” Ntewe ishema no guhagararira u Rwanda ku rwego mpuzamahanga mu kumenyekanisha umuco warwo, impano, ububanyi na dipolomasi. Twese hamwe, dukomeje kwerekana ubwiza n’ubushobozi bw’igihugu cyacu dukunda cyane.”
Bruce Melody wamenyekanye mu ndirimbo nka ‘Funga Macho’, ‘Catherine’ n’izindi, amaze iminsi mu gihugu cya Canada aho ari mu bitaramo bizenguruka imwe mu mujyi yaho.
Imijyi yataramiyemo ni Montreal yabimburiye indi, Toronto, Vancouver na Ottawa yasorejeho.
