Ku bitaro bya Kaminuza bya Kigali, CHUB hafunguwe igikoni kigezweho cyubatswe mu rwego rwo kuzajya giha amafunguro afite intungamubiri abarwayi n’abarwaza badafite ubushobozi.
Iki gikoni cyafunguwe ku mugaragaro n’Umunyamabanga wa Minisitiri y’Ubuzima, Iyakaremye Zacharie, kuri uyu wa gatanu, tariki ya 3 Ukuboza 2024.
Cyubatswe ku bufatanye bw’Ikigo cy’Igihugu cy’Ubuzima, RBC na Solid Africa, ikigo gisanzwe kigemurira abarwayi badafite ubushobozi, mu bitaro bitandukanye bya Kigali.
Umuyobozi wa Solid Africa, Kamariza Isabelle yabwiye RBA ko kuba amafunguro yategurirwaga kure y’ibitaro, byababeraga imbogamizi.
Iki gikoni kizajya gitegura amafunguro ibihumbi umunani azajya ahabwa abarwayi, abarwaza, abasuye n’abandi bakozi b’ibitaro.
Ni igikorwa kiri muri gahunda ya guverinoma y’u Rwanda yo kunoza serivisi z’ubuvuzi. Bikaba biteganyijwe ko izagezwa mu bice bitandukanye by’igihugu, hagamijwe ko abarwayi bahabwa ifunguro ry’uzuye.
