Sonia Kayitesi wamamaye mu kuvanga imiziki kw’izina rya Dj Sonia, niwe munyarwanda wabashije kwegukana igihembo cya Zikomo Award, cyatangiwe muri Afurika y’Epfo.
Ibirori byo gutanga ibi bihembo byabaye ku mugoroba wo kuwa gatatu, tariki ya 4 Ukuboza 2024, muri Afurika y’Epfo.
Dj Sonia yabaye umunyarwanda wegukanye igihembo cya Best Zikomo Dj of the year, akaba ari umwe mu bavangamiziki bamaze igihe bagaragara mu bitaramo bitandukanye bibera mu Rwanda, ndetse no kuri Radiyo na Televiziyo.
Abandi Banyarwanda bari bahatanye muri Zikomo Awards, batabashije kwegukana ibihembo barimo Miss Mutesi Jolly wari uhataniye Best Zikomo Social Impact of the year, The Ben wari uhataniye Best Zikomo Male Artist of the year, Mutesi Scovia wari uhataniye Best Zikomo Inspirational Woman of the year na Bwiza wari uhataniye Best Zikomo Female Artist of the year.
Zikomo Awards itegurwa na Zikomo Charitable Trust ikorera mu bihugu bitandukanye bya Afurika. Abo iha ibihemo ni abagize uruhare mu guteza imbere imyidagaduro, imideli n’imikino muri Afurika, aho uyu mwaka ibihembo byiganje muri Zambia, Afurika y’Epfo na Tanzania.
