Umuhanzi Drama T ukomoka mu gihugu cy’u Burundi n’umuhanzi Mudra D ukomoka muri Uganda, bagiye gukorera ibitaramo mu Rwanda bazahuriramo na Alyn Sano.
Ibi bitaramo by’aba bahanzi babiri bakomoka mu bihugu by’ibituranyi n’u Rwanda, bizaba bigamije kumenyekanisha no kwiyereka Abanyarwanda bakunda umuziki wabo muri rusanjye.
Drama T ukunzwe cyane mu ndirimbo zirimo ‘Madamu’, ‘Itamporize’ na ‘Kosho’ aheruka gusohora, abinyujije ku rubuga rwa Instagram yagaragaje igitaramo azahuriramo na Mudra D kizaba tariki ya 2 Ugushyingo 2024, kuri Wakanda Ville, ndetse kikaba cyaratewe inkunga na Skol ibinyujije mu kinyobwa cya Skol Malt.
Mudra D nawe ukunzwe cyane mu ndirimbo ‘Hoozambe’ yashyize hanze mu minsi yashize biteganyijwe ko azataramana na Alyn Sano, tariki ya 1 Ugushyingo 2024 muri Envy Club iherereye Kimihurura.
