Producer akaba n’umuhanzi, Mugisha Robinson uzwi nka Element Eleeh, yataramiye abitabiriye iseka rusanjye ryabereye mu mujyi wa Kampala, muri Uganda.
Iki gitaramo cyabaye ku Cyumweru, tariki ya 24 Ugushyingo 2024, mu kabari kitwa ‘Nomad’, ahari habereye iseka rusanjye rizwi nka ‘Comedy store’.
Iki gitaramo yagihuriyemo n’abandi bahanzi bakomoka mu gihugu cya Uganda, barimo Baby Cool, Dj Lolah, Wilson Bugembe n’abandi batandukanye.
Element Eleeh atumiwe muri iki gitaramo nyuma y’abandi bahanzi Nyarwanda bagiye batumirwa mu bihe bitandukanye barimo Charly na Nina na The Ben.
Element waherukaga muri Uganda muri Nzeri uyu mwaka, yaririmbye indirimbo zirimo ‘Kashe’, ‘Milele’, ‘Fou de toi’ yahuriyemo na Bruce Melody na Ross Kana n’izindi.
