Umuryango wa FPR Inkotanyi wihanganishije umuryango wa Nyirandama Chantal uherutse kugwa mu mpanuka y’imodoka yari itwaye abanyamuryango bayo, ku wa 24 Ugushyingo 2024.
Iyi mpanuka yabereye mu muhanda Gicumbi-Base, aho imodoka ya Coaster yari itwaye Abanyamuryango ba FPR Inkotanyi berekezaga i Musanze, yananiwe gukata, ita umuhanda, umuntu umwe ahita ahasiga ubuzima.
Kuri uyu wa gatatu, tariki ya 27 Ugushyingo 2024, nibwo Nyirandama Chantal wasize ubuzima muri iriya mpanuka, yasazewe bwa nyuma mu muhango wabereye mu karere ka Gicumbi.
Umunyamabanga Mukuru w’Umuryango FPR Inkotanyi, Wellars Gasamagera, yahumurije umuryango w’uwabuze uwabo, ndetse abizeza ko FPR Inkotanyi izakomeza kubaba hafi.
Ati” Nk’Umuryango wa FPR Inkotanyi tubabwireko dukomeza kubana namwe, ari uyu muryango wa Pasiteri Robert, n’abandi bagiriye ibikomere n’intugumbwa muri iriya mpanuka. Turakomeza mwese tubane namwe, turakomeza kubashyigikira, turakomeza kubihanganisha.”
Nyirandama Chantal yari umushoramari na nyiri Hoteri yitwa Nice Garden iherereye mu karere ka Gicumbi, ndetse yari imaze gufungura amashami abiri mu turere dutandukanye tw’intara y’Amajyaruguru.
Nyakwigendera yari yarashakanye na Pasiteri mu itorero rya EAR, Mugiraneza Robert, asize abana batanu bose b’abahungu.
