Grace Room Ministries igiye kongera gukora igitaramo yise “Your Glory Lord”, gitegurwa hagamijwe gushima Imana no kwizihiza Isabukuru y’igihe imaze itangiye.
Uyu muryango wa Grace Room uyobowe na Pastor Julienne Kabanda, watangaje ko iki giterane kizamara iminsi ine, kuva tariki ya 28 Ugushyingo- 1 Ukuboza 2024, kikazabera muri BK Arena.
Ni igiterane kizaririmbamo abahinzi batandukanye bazwi mu kuramya no guhimbaza Imana, baturutse mu bihugu bitandukanye byo muri Afurika y’Uburasirazuba.
Harimo Bella Kombo wo muri Tanzania uzwi mu ndirimbo nka ‘Mungu Ni Mmoja’, Zoravo nawe ukomoka muri Tanzania uzwi mu ndirimbo ‘ Neema Yako Yanitosha’, na Fabrice $ Maya bakomoka mu Burundi bazwi mu ndirimbo nka ‘Muremyi w’Isi’.
Bazifata kandi n’abahanzi baririmba indirimbo zo kuramya no guhimbaza Imana mu Rwanda barimo René Patrick, Uwimana Aime na Grace Room worship team.
