Umuyobozi Mukuru ushinzwe iterambere ry’urubyiruko muri Minisiteri y’Uburubyiruko n’Iterambere ry’Ubuhanzi, Tetero Solange yatangaje ko YouthConnekt y’uyu mwaka hazaganirwa uburyo bwo kwihangira imirimo binyuze mu kwigisha urubyiruko mu buryo budasanzwe.
Inama ya YouthConnekt igiye kuba ku nshuro ya karindwi izatangira tariki ya 8-10 Ugushyingo 2024, ikazahuza urubyiruko ruturutse mu bice bitandukanye bya Afurika, abayobozi ndetse n’abikorera, bazaba baganira ku buryo urubyiruko rwagira uruhare mu bibakorerwa bitandukanye.
binyuze mu kumenya gahunda ziri muri Afurika ndetse no gutanga ibitekerezo bituma habaho
Uru rubyiruko ruzaba ruturutse mu bihugu 33 bya Afurika rwiganjemo abahagarariye abandi, abikorera, abari mu nzego z’ubuyobozi ndetse n’urubyiruko rw’abanyeshuri n’abandi, bazaba bagaragarizwa gahunda ziri muri Afurika ndetse batange ibitekerezo bituma habaho impinduka zifasha Afurika kugera ku iterambere ry’ihuse.
Tetero Solange usanzwe ari Umuyobozi Mukuru ushinzwe iterambere ry’urubyiruko muri Minisiteri y’urubyiruko avuga ko uyu mwaka hazibandwa kwerekana uburyo bwo guhanga imirimo binyuze mu kwigisha urubyiruko mu buryo budasanzwe.
Ati” Uyu mwaka tuzaganira ku guhanga imirimo binyuze mu kwigisha urubyiruko mu buryo budasanzwe, ibyo rero iyo tubiganiriye hatangwa ingero zitandukanye z’uko biri gukorwa ariko noneho hakabamo n’umwanya wo kwigiranaho w’ibihugu bya Afurika kugirango urubyiruko rumenye uko ahandi biri gukorwa.”
Minisiteri y’Ubuzima isaba urubyiruko ruzitabira YouthConnekt rugera ku 3000 rurimo Abanyarwanda bagera 1000, kuzagira uruhare mu biganiro bagatanga ibitekerezo bizazana impinduka muri politiki no muri gahunda zitandukanye z’igihugu kugirango u Rwanda na Afurika muri rusanjye bikomeze kwihuta mu iterambere no kugera ku cyerekezo 2063 Afurika yihaye.
