I Kigali hateraniye urubyiruko ruturutse hirya no hino muri Afurika, rwitabiriye inama ya karindwi ya YouthConnekt ifite insanganyamatsiko igira iti ” Imirimo y’urubyiruko ishingiye ku guhanga ibishya.
Iyi nama iri kubera mu mujyi wa Kigali guhera ku wa 8-10 Ugushyingo 2024, muri Kigali Convection Center, yitabiriwe n’urubyiruko rusaga 3000 rurimo Abanyarwanda 1000, aho baraba barebera hamwe uburyo bwo guhanga imirimo binyuze mu kwigisha urubyiruko mu buryo budasanzwe.
YouthConnekt yatangijwe na Perezida wa Repubulika y’u Rwanda, Paul Kagame muri 2012 igamije guhuriza hamwe urubyiruko kugirango rugire uruhare mw’iterambere ribareba, binyuze mu kwigiranaho no gusangira ibitekerezo bishingiye ku iterambere.
Iki cyatangiye ari igitekerezo cy’Abanyarwanda, ariko kuri ubu YouthConnekt imaze kwaguka aho yitabirwa n’urubyiruko ruturutse mu bihugu 38 bya Afurika, ndetse rimaze kubera muri Ghana na Kenya.
