Ingabo z’u Rwanda, RDF n’iza Uganda (UPDF) zahuriye mu nama ya gatatu, yo kwiga ku ngamba za kwifashishwa mu guhangana n’imbogamizi abaturiye imipaka bahura na zo.
Ni inama iri kubera mu Karere ka Musanze kuva kuri uyu wa kane, tariki ya 28-30 Ugushyingo 2024.
Iyi nama yahuje abasirikare bayoboye ibyiciro bitandukanye ndetse n’abahagarariye igisirikare muri za Ambasade z’ibihugu byombi.
Iyi nama igamije kwiga ku ngamba zo kurwanya ibikorwa bitemewe n’amategeko bikorerwa ku mipaka bikagira ingaruka ku bahaturiye.
