Umuhanzi w’indirimbo zo kuramya no guhimbaza Imana, Israel Mbonyi yateguje ibitaramo bizenguruka Canada, azahakorera muri 2025, nyuma y’ibyo yaherukaga kuhakorera muri 2022.
Yifashishije imbuga nkoranyambaga ze, Israel Mbonyi yasangije ubutumwa bugaragaza ibitaramo bine ateganya muri Canada birimo icyo azakorera Toronto, Ottawa, Montreal na Edmonton.
Ni ibitaramo bikurikira icyo azakorera muri Kenya, tariki ya 31 Ukuboza 2024, n’icyo azakorera Abanyarwanda muri BK Arena, tariki ya 25 Ukuboza 2024, ku munsi mukuru wa Noheri.
Israel Mbonyi ari mu bahanzi Nyarwanda bakora ibitaramo bikitabirwa n’imbaga nyamwinshi, ndetse yahiriwe cyane n’uyu mwaka wa 2024, aho yataramiye mu bihugu bitandukanye birimo Kenya, Tanzania no mu mijyi itandukanye ya Uganda.
