Umuhanzi ukomoka muri Uganda, Jose Chameleone, warutegerejwe mu gitaramo i Kigali, cyamaze gusubikwa kubera uburwayi amaranye iminsi aho azajya kwivuriza hanze ya Afurika.
Igitaramo cya Chameleon cyari kuba tariki ya 3 Mutarama 2025 muri Kigali Universe, gusa ubu cyamaze gusubikwa kubera uburwayi amaranye iminsi, ndetse agiye kujya kuvurizwa muri Leta Zunze Ubumwe z’Amerika.
Tariki ya 12 Ukuboza nibwo hamenyekanye amakuru y’uko Jose Chameleone arwariye mu bitaro bya Nakasero biherereye mu mujyi wa Kampala muri Uganda.
Amakuru yatangajwe n’umwana w’uyu muhanzi n’uko abaganga bamusanganye indwara iterwa no kunywa inzoga nyinshi, ndetse ko abaye atazigabanyije cyangwa ngo azireke, adafite indi myaka myinshi yo kubaho.
Amakuru dukesha IGIHE n’uko uyu muhanzi agiye kunjyanywa kuvurizwa byimbitse muri Leta Zunze Ubumwe z’Amerika.
