Abahanzi Nyarwanda Kenny Sol na Element Eleeeh usanzwe ari n’umuhanga mu gutunganya imiziki, bazagaragara kuri album nshya y’umuhanzi Marioo wo muri Tanzania.
Iyi album igizwe n’indirimbo 17, izagaragaraho n’abandi bahanzi bakomeye muri Afurika barimo Ali Kiba, Bien Aime, Patoranking, Harmonize, King Promise n’abandi benshi.
Kuri iyi album Kenny Sol yakoranye indirimbo na Marioo yitwa ‘Hapiness’, naho Element Eleeh we bakoranye iyitwa ‘ Njozi‘, ndetse akaba ari no muba Producer barambitse ibiganza kuri uyu mushinga.
Marioo yamenyekanye cyane mu 2020, yakunzwe mu ndirimbo zitandukanye zirimo ‘Mi Amor’ yakoranye na Jovial wo muri Kenya, na ‘Top Notch’ yakoranye na Ali Kiba ukomoka muri Tanzania.
Marioo ni umwe mu bahanzi begukanye ibihembo bikomeye mu muziki wa Tanzania birimo Tanzania Music Awards, nyuma yaho asohora album yise ‘The Kid You Know’, yakoranye n’abahanzi barimo Tyla ukomoka muri Afurika y’Epfo.
