Patrick Bibarwa wamenyekanye ku mazina ya Kitoko, yatangaje ko ari ku musozo w’umushinga wo kwandika igitabo kivuga ku rugendo rw’umuziki, yongeraho ko yitegura gushyira hanze album ye nshya.
Uyu muhanzi yatangaje ko igitabo cye kizaba kirimo ubuhamya bw’abahanzi batandukanye ndetse n’isesengura ry’iterambere ry’umuziki w’u Rwanda.
Kitoko yavuze ko amaze gutangira kwandika iki gitabo kandi ko nyuma y’icyo gikorwa, azakora ibishoboka byose kugira ngo ahite ashyira hanze album ye.
Kitoko ni umuhanzi w’Umunyarwanda wamenyekanye mu ndirimbo zitandukanye nka Akabuto, Ikiragi, Manyobwa, Igendere, ndetse akaba yanasabye abakunzi b’umuziki ko bazakomeza kumushyigikira muri ibi bikorwa bye bishya.
Uyu muhanzi uherereye mu Bwongereza aherutse gushyira hanze indirimbo yasubiyemo y’umuhanzi Bahaga wo mu Burundi yitwa ‘Tiro’.
Kitoko yatangaje ko yahisemo gusubiramo iyi ndirimbo kubera ko yakuze ayikunda, kandi afite umwe mu babyeyi be wayumvaga igihe kinini.
