Maj Gen Emmy Ruvusha uyobora Ingabo z’u Rwanda ziri mu butumwa bwo kurwanya iterabwoba mu Ntara ya Cabo Delgado, yagiranye ibiganiro bijyanye no guhashya ibyihebe muri iyi ntara, n’Umugaba Mukuru w’Ingabo za Mozambique, Admiral Joaquim Mangrasse.
Aba bayobozi bahuye ku wa Kane tariki ya 21 Ugushyingo 2024, aho baganiriye ku bikorwa byo guhashya no kwirukana ibyihebe aho byihishe, mu ntara ya Cabo Delgado muri Mozambique.
Guhera muri Nyakanga 2021, Ingabo z’u Rwanda ziri mu bikorwa byo kugarura umutekano no kurwanya umutwe w’iterabwoba wa Ansar al Sunnah wari umaze imyaka itanu mu ntara ya Cabo Delgado.
Izi ngabo z’u Rwanda zagize uruhare mu bikorwa bitandukanye birimo kugarurira umutekano abatuye muri iriya ntara, ndetse n’abari barakuwe mu byabo benshi bamaze gutahuka.
Kugeza ubu muri iyi ntara ibikorwa by’ubucuruzi byongeye gufungura imiryango, ibikorwa remezo birimo amazi n’amashanyarazi byarasanywe, n’ibindi byinshi abaturage bishimira inzego z’umutekano z’u Rwanda.
