Max Verstappen wamamaye mu mukino wo gutwara imodoka yahuye n’abanyeshuri ba IPRC Kigali, baherutse gukora imodoka y’amasiganwa ya ‘Cross Car’, akora igerageza ryayo ndetse aganira nabo nk’igihano yari yahawe na FIA.
Max Verstappen yageze mu Rwanda, ku wa gatanu tariki ya 23 Ukuboza 2024, aho yari yitabiriye itangwa ry’ibihembo byabahize abandi mu isiganwa rya Formula One rya 2024.
Uyu musore w’imyaka 34 y’amavuko yagombaga kubanza gukora igihano yahawe na FIA cyo gukora imirimo ifitiye rubanda akamaro yari yasabwe gukorera mu Rwanda. Iki gihano yahawe nyuma yo gukoresha imvugo itaboneye mu kiganiro yagiranye n’abanyamakuru mu isiganwa rya Grand Prix muri Singapore.
Mbere y’uko ahembwa nk’uwahize abandi muri Formula ya 2024, yabanje guhura ndetse aganira n’abanyeshuri biyumvamo umukino wo gutwara imodoka, bategurwa na n’Ishyirahamwe Nyarwanda ry’Imikino yo gusiganwa mu Modoka (RAC).
Mu kiganiro cye uyu munyabigwi yabwiye abana ko badakwiriye guteshuka ku nzozi bafite ndetse nawe ababwira ko akiri muto yari afite inzozi ndetse agakora cyane ngo azigereho.
Perezida w’Ishyirahamwe ry’Imikino yo gusiganwa mu modoka ku Isi (FIA), Mohammed Ben Sulayem yavuze ko Max Verstappen yishimiye gukorera igihano cye mu Rwanda kuko akunda gufasha abakiri bato.
