Minisiteri y’Ububanyi n’Amahanga n’Ubutwererane, yakiriye kopi zitandukanye z’impapuro zemerera ba Ambasaderi bashya guhagararira ibihugu byabo mu Rwanda.
Ni igikorwa kiba iyo igihugu runaka gihisemo Ambasaderi uzagihagararira mu kindi gihugu, ubwa aba asabwa gushyikiriza kopi z’impapuro zimwemerera guhagararira igihugu cye kuri Minisiteri y’Ububanyi n’Amahanga y’ikindi.
Mu gitondo cyo kuri uyu wa gatatu, tariki ya 27 Ugushyingo 2024, Minisitiri w’Ububanyi n’Amahanga, Olivier Nduhungirehe yakiriye Ambasaderi Sahak Sargsyan wa Armenia na Amb Jenny Isabella Da Rin, wa Australia.
Ni nyuma y’umunsi umwe, Minisitiri Nduhungirehe yakiriye kopi z’impapuro zemerera Amb. Jeanne Crauser, guhagararira Luxumbourg na Amb, Mirko Giulietti guhagararira Switzerland bose mu Rwanda
Minisitiri Nduhungirehe kandi yari yabanje kwakira kopi z’impapuro za Amb Lincoln G. Downer, uhagarariye Jamaica, Amb Nadeska Imara Cuthbert Carlson, uhagarariye Nicaraguan, Amb. Mr. Savvas Vladimirou uhagarariye Cyprus na Amb Patricio Alberto Aguirre Vacchieri uhagarariye Chile mu Rwanda.
