Minisitiri wa Siporo, Nelly Mukazayire, yashimiye ikipe y’Igihugu ya Amavubi nyuma yo gutsinda Sudani y’Epfo mu mukino wo kwishyura wabereye muri Stade Amahoro, yizeza Abanyarwanda ko bazakomeza kwitwara neza mu mikino iri imbere.
Ku wa gatandatu, tariki ya 28 Ukuboza nibwo Amavubi yakinnye n’ikipe y’Igihugu ya Sudani Y’Epfo iyitsinda ibitego 2-1, ayisezerera mu mikino y’amajonjora yo gushaka itike ya CHAN 2024.
Aya makipe yombi yanganyije ibitego 4-4, ariko Sudani y’Epfo ihita isezererwa kuberako yari yaratsindiwe ibitego byinshi mu rugo, mu gihe u Rwanda rutegereje umwanzuro wa CAF niba ruzaba kimwe mu bihugu bizahagararira CECAFA mu irushanwa rya Kenya, Uganda na Tanzania.
Minisitiri wa Siporo, Nelly Mukaziyire yashimiye Amavubi yatsinze uyu mukino wo kwishyura, yizeza ko bazakomeza kwitwara neza no mu mikino iri imbere.
Ati “Turashimira ikipe yacu Amavubi yakinanye ishyaka ikaba itahanye instinzi. Iki ni ikimenyetso ko nidukomeza gushyiramo ikinyamwuga, umuhate no guharanira intsinzi ntakabuza tuzagera kure!”
Imikino y’amajonjora irasozwa kuri iki cyumweru aho Uganda iri buhure n’u Burundi mu mukino wo kwishyura nyuma y’uko Uganda itsinze u Burundi igitego 1-0.
