Minisitiri w’Ububanyi n’Amahanga n’Ubutwererane, Olivier Nduhungirehe, Minisitiri w’Intebe w’u Bwongereza, Sir Keir Starmer na Ambasaderi w’u Rwanda mu Bwongereza Johnson Busingye, bitabiriye umukino wa Arsenal yatsindiyemo Manchester United.
Mu ijoro ryo ku wa gatatu , tariki ya 4 Ukuboza 2024, nibwo habaye umukino wahuje Arsenal na Manchester United muri Emirates Stadium, aho bakinaga Shampiyona y’Ubwongereza izwi Nka Premier League’.
Uyu mukino wakurikiwe n’abantu benshi ku Isi barimo abawurebye imbonankubone n’abawukurikiye kuri Radiyo na Televiziyo, dore ko aya makipe abiri akunzwe n’umubare utari muto muri Shampiyona y’u Bwongereza yose.
Minisitiri Nduhungirehe yifashishije urubuga rwa X agaragaza ko ari kumwe n’umunyabigwi Nwankwo Kanu wabaye Rutahizamu wa Arsenal na Minisitiri w’Intebe w’iki gihugu, Sir Keir Starmer na Ambasaderi Johnson Busingye bakurikiye umukino wahuje Arsenal na Man U.
Ambasaderi w’u Rwanda mu Bwongereza, Busingye Johnston, nawe yasangije ubutumwa ku rukuta rwa X ashimira ikipe ya Arsenal kubwa amanota 2 yatsitse Man U, mu mukino wari ubereye ijisho.
Arsenal isanzwe ifitanye imikoranire n’u Rwanda binyuze mu kwamamaza ubukerarugendo bw’u Rwanda muri gahunda ya ‘Visit Rwanda’.
