Ku nshuro ya mbere, mu mujyi wa Kigali hagiye kubera Shampiyona ya Billiards y’abagore, izaba tariki ya 30 Ugushyingo 2024, kuri Signal Game Zone, Kicukiro Centre.
Shampiyona ya Billiards isanzwe ikinwa mu Rwanda ariko ikitabirwa n’abagabo gusa, kuri iyi nshuro abategura iyi shampiyona bashyizeho izahuriramo abagore, mu rwego rwo kwidagadura ariko abazatsinda bakazahabwa ibihembo.
Iyi mikino itegerejwe tariki ya 30 Ugushyingo 2024, ikazabera mu karere ka Kicukiro, ahazwi nka Kicukiro Centre, kuri Signal Game Zone.
Muri iyi shampiyona abakinnyi babiri bazajya bakina imikino itatu utsinze ibiri akomeze.
Uzegukana umwanya wa mbere azahabwa igikombe n’ibihumbi 200 Frw, mu gihe uwa kabiri azahabwa ibihumbi 100Frw, uwa gatatu ahabwe ibihumbi 50Frw.
Billiards ni umwe mu mikino ikundwa n’abantu benshi bateraniye ahari akabari, kuko ubafasha kwidagadura basabana kivandimwe.
