Urwego rw’Igihugu rw’Itangazamakuru (RBA) rwashyize hanze abakozi bashya mu myanya y’ubuyobozi barimo Munyarukumbuzi Emmanuel wasimbuye Munyangeyo Dieudonné Kennedy uherutse guhagarikwa.
Aya makuru yatangajwe n’Ubuyobozi bwa RBA mu itangazo banyujije ku rubuga rwa X, kuri uyu wa 5 Ugushyingo 2024.
Abayobozi bashyizwe ku myanya harimo umunyamakuru Uwayo Divin wagizwe umuyobozi mukuru wa Radiyo Rwanda, naho umuyobozi wungirije ni Nyinawumuntu Ines Ghislaine.
Munyarukumbuzi Emmanuel yagizwe umuyobozi wa Televiziyo y’u Rwanda, asimbuye Dieudonné Kennedy uherutse guhagarikwa kubera impamvu z’imyitwarire idahwitse yagaragaje igihe yarakiri ku buyobozi.
Umunyamakuru Ufitinema Remy Maurice yagizwe umuyobozi w’ungirije, mu gihe Rutikanga Paul usanzwe avuga amakuru yagizwe umuyobozi ushinzwe imikoranire n’abafatanyabikorwa, naho Uwera Clarisse agirwa umuyobozi ushinzwe abakozi.
