Umukinnyi wa filime Nyarwanda, Uwamwezi Nadège, wamenyekanye cyane muri filime ya City Maid yitwa Nana, yasezeranye mu mategeko n’umukunzi we, Nsanzimana Patrick basanzwe babana mu Bubiligi.
Uyu muhango wabaye ku wa 14 Ukuboza 2024, muri Komine ya Charleroi, mu Bubiligi, ndetse amakuru IGIHE cyatangaje nuko aba bombi baba bari gutegura ubukwe bizabera mu Rwanda, mu minsi iri imbere.
Nana yerekeje mu Bubiligi mu 2021 aho yari agiye gukora ubukwe n’umukunzi we, Patrick, gusa iyi gahunda iza kwitambikamo icyorezo cya Covid-19.
Nana yatangaje ko mbere y’uko asanga umukunzi we mu Bubiligi bari bamaze umwaka bakundana, ndetse avuga ko impamvu yatumye amukunda ari uko bahuje byose.
