Umunyamakuru David Bayingana yagaragaje ko yababajwe n’amagambo yavuzweho n’umunyamakuru Sengabo Jean Bosco uzwi nka Fatakumavuta ubwo yarari mu rukiko tariki ya 5 Ugushyingo 20254.
David Bayinga usanzwe umenyerewe mu kuvuga amakuru ajyanye n’imikino yashyize hanze itangazo agaragaza ko yatunguwe cyane n’ibinyoma yavuzweho na Sengabo Jean Bosco uzwi nka Fatakumavuta.
Yagize ati” Natunguwe kandi mbabazwa cyane n’ibyo binyoma bye byangiza uwo ndi we Bwana Sengabo Jean Bosco yantangajeho mu rukiko.“
Yakomeje agira ati” Mu buzima bwanjye bwose, uko narezwe, natojwe, nize, nta na hamwe mpurira n’ivangura iryo ari ryo ryose.
Nzira kandi ndwanya n’ingufu zanjye zose, irondakoko aho riva rikagera. Ndi umunyarwanda biteye ishema, ubyubahira abo tubisangiye bose, nkanubaha kandi ngaha agaciro ikiremwamuntu ku isi yose.”
David Bayingana yatangaje ko yitabaje abanyamategeko bamufasha gusesengura ibyamuvuzweho agira ati” mu gihe gikwiye, turisunga ubutabera, habeho uburyozwe bw’icyo gisebo nashyizweho binyuze muri ibyo binyoma bidafite ishingiro byamvuzweho.”
Ibirego bya David Bayingana biramutse bitanzwe biziyongera ku byaha Fatakumavuta usanzwe akurikiranweho ibyaha birimo kwibasira abantu abavugaho amagambo agize ibyaha yifashishije mudasobwa ndetse no gukoresha ibiyobyabwenge.
