Ingabo z’u Rwanda zatangaje ko umusirikare witwa St Minani Gervais, w’imyaka 39 yishe arashe abasivile batanu mu karere ka Nyamasheke, ndetse akaba yamaze gutabwa muri yombi.
Aya makuru yatangajwe n’igisarikare cy’u Rwanda (RDF) mu butumwa yanyujije ku rubuga rwa X, kuri uyu wa gatatu, tariki ya 13 Ugushyingo 2024.
RDF yasobanuye ko iyi sanganya yabaye mu rukerera rwo kuri uyu wa gatatu, mu kabari kari mu kagari ka Rusharara, umurenge wa Karambi, mu karere ka Nyamasheke, aho St Minani Gervais yishe arashe abasivile batanu.
RDF yatangaje ko uyu musirikare yamaze gutabwa muri yombi ngo aryozwe ibyaha yakoze, ndetse baboneraho kwihanganisha imiryango yababuze ababo.
