Perezida Kagame yagaragarije ibyishimo ikipe ya Arsenal yatsinze Real Madrid ibitego 3-O, mu mikino ubanza wa kimwe cya kane kirangiza cya UEFA Champions League.
Ni mu butumwa Umukuru w’Igihugu yasangije ku rubuga rwa X, ku mugoroba wo ku wa kabiri, nyuma yuko Arsenal inyagiriye Real Madrid mu mujyi wa Londres.
Mu butumwa bwa Perezida Kagame yishimiye itsinzi ya Arsenal ndetse agaragaza ko ayifitiye icyizere.
Ati” Hano Abarashi (Arsenal) turakomeje, Itsinzi ikomeye n’umukino mwiza, Burigihe muhorane icyizere.. Turabishimiye.”
Arsenal yatsinze Real Madrid ibitego 3-0 ibifashijwemo na D Rice watsinze bibiri ku munota wa 58 n’uwa 70 ndetse na Mikel Merino watsinze igitego ku munota wa 75.
Arsenal yahise ifata umwanya wa gatatu n’amanota 19, ikurikira Liverpool iri ku mwanya wa mbere n’amanota 21 na Everton iri ku mwanya wa kabiri, ni mu gihe Real Madrid iri ku mwanya wa 11 n’amanota 15.
