Dj Obi watangije Obi’s house, Dope Caesar na Poco Lee bageze mu Rwanda aho bitabiriye igitaramo Obi’s House, giteganyijwe kuri uyu Gatanu tariki ya 15 Ugushyingo 2024, kuri Atelier du Vin.
Aba banyamuziki batatu bakomoka mu gihugu cya Nigeria. Iweh Pascal Odinaka uzwi nka Poco Lee arabyina akanaririmba, yakoranye n’abahanzi bibyamamare barimo Davido, Burna Boy na Tiwa Savage.
Obinna Levi Ajuonuma uzwi nka DJ Obi niwe watangije ibitaramo bizwi nka Obi’s house bibera muri Nigeria byatangiye kwagukira no mu bindi bihugu.
Dope Caesar ni umwe muba Dj bakomoka muri Nigeria, bakunze gutaramira mu Rwanda, aho yaherukaga muri Kanama 2024.
Ibi bitaramo biri bube biyobowe na Poco Lee n’umunyarwandakazi Zuba Mutesi.
Biteganyijwe ko aba banyamuziki bazataramira no muri Uganda, Tanzania na Kenya.
