Umuvugizi wa Polisi y’u Rwanda, ACP Boniface Rutikanga, yagaragaje ko hari moto zirenga 1000 zafashwe ziri mu makosa atandukanye yiganjemo guhisha pulake.
Amwe mu makosa n’ibyaha bikuzwe gukorwa n’abamotari mu muhanda, harimwo guhisha pulake, ndetse ababikora kenshi usanga baba bahisha ibindi byaha bakora harimwo gutwara ibiyobyabwenge, ubujura n’ibindi.
Muri izi moto harimo izambaye pulake ariko zitari muri system ya RURA, harimo izidafite aho zibarizwa, izo usanga kenshi zarinjiye mu gihugu mu buryo bwa magendo, abazizanye ntibazandikishe akaba ari nabwo bacura ama pulake bakazambika.
Hafashwe moto zifite ibibazo bitandukanye harimo 700 abazitwaraga nta byangobwa bagiraga byo gutwara ndetse nta n’ibyangobwa bya RURA bagiraga.
Harimo kandi moto 500 zakoze impanuka zikiri mu mpanza, moto 250 zambaye ama pulake y’impimbano n’izindi basibyeho inyuguti imwe, ndetse naho usanga pulake zihinnye.
Ikirenze ibi hari n’abamotari bashyizeho akuma bakurura ku buryo iyo bari mu makosa bakamanura bagahisha pulake ugasanga icyuma cyandikiye utariwe.
ACP Boniface Rutikanga agaragaza ko ibi bituma hari abahanirwa amakosa batakoze kuko ibinyabiziga biba byiyitiriye ibirango bitari ibyabyo.
