Umuryango udaharanira inyungu wa Interpeace ku bufatanye na Ambasade ya Suède mu Rwanda bashyikirije RBC inkunga ya moto 39, zizajya zifashishwa n’abaganga b’indwara zo mu mutwe batuye mu byaro.
Iyi nkunga yatanzwe ku wa kabiri, tariki ya 19 Ugushyingo, ikazagezwa ku banganga bo mu bigo nderabuzima byo mu turere dutanu; Musanze, Ngoma, Nyabihu, Nyagatare na Nyamagabe.
Izi moto zatanzwe zari kumwe n’ibikoresho byazo birimo kasike, ubwishingizi bw’amezi atatu n’ibindi, ndetse hatanzwe mudasobwa n’ibindi bikoresho bifite agaciro ka miliyoni 200.
Interpeace yagaragaje ko ubushobozi bw’ibigo nderabuzima mu kwegera abarwayi bafite ibibazo byo mu mutwe butari buhagije, akaba ariyo mpamvu bahise gutanga izi moto 39.
Umuyobozi Wungirije muri Ambasade ya Suède mu Rwanda, Ms. Martina Fors Mohlin yagaragaje ko yanyuzwe n’iki gikorwa, ati” Kuba twahaye uturere dutanu, hasigaye 25 ni ikerekana ko bidahagije. Ni inshuro ya mbere n’intambwe ya mbere duteye yo kugera mu tundi turere.”
Ubuyobozi bwa RBC nabwo bwashimye iyi nkunga bagaragaza ko izafasha ibigo nderabuzima kugera ku barwayi batuye mu misozi, bakabasha guhabwa ubuvuzi bunoze.
Interface
