Urwego rw’Igihugu rushinzwe Ubugenzacyaha, RIB, rwatangaje ko Gen Maj (Rtd) Richard Rutatina yatawe muri yombi, nyuma y’iperereza yaramaze iminsi akorwaho.
RIB yatangaje ko Gen Maj (Rtd) Rutatina akurikiranyweho guha amabwiriza abakozi be ngo bakubite umuntu waraye mu rwuri rwe ruherereye mu Murenge wa Murundi mu karere ka Kayonza, ubwo yari yasuye umwe mu bakozi be
Amakuru avuga ko uwo muntu yakubiswe ku wa 27 Ugushyingo 2024, ku mabwiriza ya Gen Maj (Rtd) Rutatina. Nk’uko RIB ibitangaza dosiye ye n’abandi bakozi be icumi yashyikirijwe Ubushinjacyaha kuri uyu wa gatanu.
RIB yaboneye gusaba abaturage kwirinda kwihanira kuko bihanirwa n’amategeko, ahubwo bakajya biyambaza inzego z’umutekano igihe bakorewe icyaha.
