Ikigo cy’Igihugu Gitsura Ubuziranenge (RSB) cyamuritse ibyumba byabugenewe (Laboratoire), bizajya bigenzurirwamo ubuziranenge bw’ingofero zikoreshwa n’abamotari n’abagenzi batwaye (Kasike).
Izi Laboratoire zamuritswe kuri uyu wa gatatu, tariki ya 11 Ukuboza 2024. Iki ni igikorwa cyatewe inkunga n’Ishyirahamwe Mpuzamahanga ry’Umukino wo Gusiganwa mu Modoka (FIA) Foundation.
Umuyobozi Mukuru w’Ikigo cy’Igihugu gishinzwe Ubuziranenge, RSB, Murenzi Raymond, avuga ko izi Laboratoire zizaba zifite ubushobozi bwo kugenzura ubuziranenge bwa kasike ziri hagati ya 30-40 ku munsi.
Minisitiri w’Ibikorwaremezo, Dr. Jimmy Gasore yagaragaje ko iyi Laboratoire izagira uruhare rufatika mu kongera umutekano wo mu muhanda, no kurengera ubuzima bw’abagenda kuri moto.
Abamotari bamaze guhabwa izi kasike zakorewe ubugenzuzi, bavuga ko ari igisubizo bitewe n’uko zifite ubwirinzi kuri bo no ku bagenzi, kuruta izo bari basanzwe bakoresha.
mu rwego rwo
