Mu karere Ka Rwamagana hubatswe ikigo kizajya gifasha urubyiruko kwidagadura, kwiyungura ubumenyi mu bijyanye n’ikoranabuhanga no kwiga imyuga itandukanye.
Iki kigo cyatashywe ku wa gatatu, tariki ya 20 Ugushingo 2024, giherereye mu Murenge wa Mwulire mu karere Ka Rwamagana.
Iki kigo gifite ibibuga by’umupira Nka Basketball, aho urubyiruko ruzajya rwidagadurira ndetse kikagira n’abantu ho kwigira imyuga nko kudoda n’iyindi.
Ni ikigo kitezweho gufasha urubyiruko kwikura mu bwigunge binyuze mu kwidagadura no kwiteza imbere binyuze mu kwihangira imirimo.
Abatuye muri aka karere bagaragazo ko Ari ikigo cyiza ndetse gishobora kuba igisubizo ku rubyiruko rwishora mu biyobyabwenge, kikabafasha kubona imirimo no kwiteza imbere.
