Ku uyu wa gatandatu, tariki ya 4 Mutarama 2025, mu mikino ya Rwanda Premier League, APR FC yahuye na Musanze FC iyitsinda igitego 1-Cy 0 itahana amanota atatu, mu gihe Rayon Sports yahuye na Police FC ikayitsinda ibitego 2-0.
Musanze FC yari yakiriye APR FC, mu mukino wabereye kuri Stade Ubworoherane, mu karere ka Musanze. APR FC yatsindiwe igitego na Mugisha Gilbert kuri penaliti yateye ku munota wa 81.
Ku rundi ruhande, Rayon Sports yari yakiriye Police FC mu mukino wabereye kuri Pele Stadium i Nyamirambo, Rayons Sports itsinda Police ibitego 2-0 byatsinzwe na Youssou Diagne mu gice cya mbere, n’ikindi gitego Rayons Sports yakuye mu kwitsinda kwa Shami Carnot wa Police FC, agerageza gukura imbere y’izamu umupira.
Uyu mukino w’umunsi wa kane wa Rwanda Premier League usize Rayon Sports ikiri ku mwanya wa mbere n’amanota 33, mu gihe APR FC igifite ibirarane bibiri iri ku mwanya wa kabiri n’amanota 26.
