Inkingi y’imibereho myiza yaje inyuma mu bushakashatsi bw’ibipimo by’imiyoborere bwakozwe na RGB, aho mu byatumye isubira inyuma harimo na serivisi zihabwa abafite ubumuga zirimo n’izuburezi zitaragera kuri bose.
Ubu bushakashatsi bugaragaza ko inkingi y’imiyoborere myiza yagabanutse mu mwaka wa 2024, igera kuri 75.79%, ivuye kuri 79.98%, yaririho mu 2023.
Serivisi zihabwa abafite ubumuga ziri mu byatumye inkingi y’imibereho myiza isubira inyuma, nk’uko abantu batandukanye babisobanura.
Kwizera Straton ufite ubumuga bwo kutabona ari mu bakoze ikizamini gisoza amashuri abanza, ashima uburyo bafashwa kwiga, ati” Ntago nari nziko natwe twagera kuri uru rwego, ruri hejuru gutya rwo kuba badushakira inyandiko yazamo ibizamini abandi bakora ngo natwe tube twakora.”
Ku rundi ruhande nka Byukusenge Anisie, nawe ufite ubwo bumuga agaragaza ko hari henshi abafite ubumuga batabona izi serivisi z’uburezi.
Umudepite mu Nteko ishinga amategeko, Furaha Emma Rubagumya, agaragaza ko ikibazo cyo guta ishuri, gusibira n’ubumenyi buke mw’ishuri mu bafite ubumuga bidindiza ireme ry’uburezi.
Imibare ya Minisiteri y’Uburezi igaragaza ko ikigero cy’abana bafite ubumuga biga amashuri abanza ari 1.1%, naho abiga mu mushuri yisumbuye ni 0.6%, mu gihe abiga za Kaminuza bafite ubumuga ari 0.2%.
