Ishami ry’Umuryango w’Abibumbye ryita ku Buzima, OMS, ryemeje ko mu gihugu cya Tanzania hagaragaye ubwandu bwa virusi ya Marburg ndetse bumaze guhitana abagera ku umunani.
Indwara ya Marburg yagaragaye mu gihugu cya Tanzania tariki ya 10 Mutarama 2025, abamaze gupimwa basanganywe iki cyorezo ni icyenda barimo umunani bamaze guhitanwa nayo.
Nk’uko byagenze ubwo iyi ndwara yageraga mu Rwanda muri Nzeri 2024, umubare munini wabasanganywe Marburg n’abitabye Imana ni abakora kwa muganga.
Mu bihugu byo mu Burasirazuba bwa Afurika, icyorezo cya Marburg cyageze muri Tanzania mu 2023, nyuma kiza kugaragara mu Rwanda mu 2024, kuri ubu cyongeye kugaragara mu ntara ya Kaduna muri Tanzania.
Nk’uko Minisitiri y’Ubuzima mu Rwanda yabitangaje, virusi ya Marburg ikwirakwizwa n’uducurama two mu birombe, iyo duhuye n’abantu dushobora kubanduza nabo bakanduza abandi.
Ni icyorezo kandi cyandurari mu guhuza amatembabuzi arimo icyuya, amacandwe amasohoro, n’undi muntu usanzwe ayifite.
Iki cyorezo kigaragaragaye muri Tanzania nyuma y’amezi make, OMS yemeje ko cyashize mu Rwanda, biturutse mu ngamba zikomeye z’ubwirinzi zashyizweho n’igihugu, ndetse nta muntu wigeze agisohokana igihugu ngo akijyane ahandi.
Ni mu gihe kandi u Rwanda aricyo gihugu cya mbere cyakize icyorezo cya Marburg gipfushije abantu bake, ugereranyije n’ibindi bihugu cyagaragayemo.
