Umunyarwandakazi Teta Sandra yatangaje ko agiye gukora ubukwe n’umuhanzi ukomoka muri Uganda, Douglas Mayanja uzwi nka Weasel , basanzwe babana bafitanye n’abana babiri.
Ubwo yari mu kuganiro n’ikinyamakuru BigEye, uyu munyarwandakazi uzwi mu myidagaduro yo mu Rwanda ariko ubu utuye mu gihugu cya Uganda, yemeje ko afitanye ubukwe n’umugabo we, Weasel.
Teta Sandra yatangarije iki kinyamakuru ko imihango yo gusaba no gukwa izabera mu Rwanda, mu rwego rwo kubaha umuryango we.
Teta Sandra n’umuhanzi Weasel wahoze mw’itsinda rya GoodLyfe batangiye gukundana mu mwaka wa 2018, ubwo uyu mwari yimukiraga mu gihugu cya Uganda.
Kugeza ubu aba bombi bari basanzwe babana nk’umugabo n’umugore mu gihugu cya Uganda, ndetse bafitanye abana babiri, aribo umuhungu n’umukobwa.
