The Ben Ari mu myiteguro yo kumurika alubumu ye ya gatatu ikurikira iyo yise ‘Amahirwe ya nyuma’ yasohoye muri 2009 na “Ko nahindutse” yamurikiye mu Bubiligi muri 2016.
Mu makuru dukesha IGIHE, The Ben arateganya kumurika iyi alubumu mu gitaramo kizabera muri BK Arena ku itariki ya 1 Mutarama 2025.
Amakuru avuga ko iyi alubumu itarahabwa izina. Ndetse muri iki gitaramo hitezwe ko hazatumirwa benshi mu bakoranye n’uyu muhanzi ndetse hari nabo bashobora kuzaririmbana.
Album nshya ya The Ben amaze imyaka myinshi ayikoraho cyane ko yatangiye kuyirarikira abakunzi be mu 2021. Gusa kugeza ubu nta makuru menshi aratangaza ku ndirimbo zigize album ye nshya.
Uyu muhanzi yaherukaga gukorera igitaramo muri BK Arena mu 2022 ubwo yari yatumiwe mu cyitwa ‘Rwanda Rebirth Celebration Concert’ cyakurikiye icyo yahakoreye mu 2019 ubwo yari yatumiwe muri East African Party.
