The Ben yandikiye urukiko rwibanze rwa Kicukiro asabira imbabazi umunyamakuru Sengabo Jean Bosco uzwi nka Fatakumavuta.
Ni ibaruwa yanditswe kuri uyu wa kane tariki ya 7 Ugushyingo 2024.
Iragira iti ” Njye Mugisha Ben uzwi nka The Ben, nandikiye urukiko rw’Ibanze rwa Kicukiro ndumenyesha ko ntanze imbabazi ku makosa yankoreye, nkaba nsaba ko Sengabo Jean Bosco yarekurwa.”
Iyi baruwa igaragaza ko yanditswe ku wa 5 Ugushyingo 2024, mbere y’uko The Ben anyuza ubutumwa ku mbuga nkoranyambaga yemeza ko yababariye Fatakumavuta, nk’umwe mu bari batanze ikirego cyuko yakorewe ibyaha n’uyu munyamakuru.
Umunyamategeko Fatikaramu Jean Paul wunganira Fatakumavuta mu mategeko, yari yatangaje ko imbabazi The ben yatanze abinyujije ku mbuga nkoranyambaka zidafatika mu gihe atanditse ibaruwa ngo ayishyikirize urukiko.
Gusa nubwo The Ben yababariye Fatakumavuta haracyari ibirego by’abandi bantu barimo Ngabo Medard (Meddy), Muyoboke Alex, Habiyaremye Jean Paul (Bahati) n’abandi bavuga ko yagiye abatangaho ubutumwa bufite amagambo agize icyaha yifashishije urubuga rwa Youtube na X.
Ubushinjacyaha bwari bwemeje ko Fatakumavuta afungwa iminsi 30 yagateganyo, nk’uburyo bwo kuba ahagaritse ibikorwa bisa n’ibyo akurikiranyweho.
