Umuhanzi The Ben yararikiye abakunzi be kuzitabira igitaramo ‘The New Year Groove’, azakora tariki ya 1 Ukuboza 2024, muri BK Arena, ndetse azaboneraho no kumurikira abakunzi be alubumu ye ya gatatu.
Uyu muhanzi yifashishije imbuga nkoranyambaga ze, ku mugoroba wo ku wa kabiri, tariki ya 10 Ukuboza 2024, asangiza abakunzi be ubutumwa bubararikira kuzitabira ku bwinshi igitaramo azamurikamo alubumu ye ya gatatu yise ‘Plenty Love’.
Biteganyijwe ko iki gitaramo kizitabirwa na bamwe mu bahanzi bahuriye mu ndirimbo na The Ben mu bihe bitandukanye, ndetse n’abo bakoranye zimwe mu ndirimbo zitarajya hanze, zizaba zigiye kuririmbwa bwa mbere muri iki gitaramo imbona nkubone.
Amatike yo kwinjira muri iki gitaramo ahera ku bihumbi 5 Frw ahasanzwe, ibihumbi 10 mu myanya yo hejuru, ibihumbi 15 hasi, ibihumbi 20 hasi imbere, ibihumbi 25 CIP, n’ibihumbi 50 muri Corporate corner, ndetse n’itike ya miliyoni 1.5 Frw muri Bussiness suits.
The ben yaherukaga gutaramira muri BK Arena muri 2022, mu gitaramo cya Rwanda Rebirth Celebration Concert’, no muri 2019 mu gitaramo cya East African Party.
