Umuhanzi The Ben yashyize hanze ibiciro by’amatike yo kwinjira mu gitaramo cye ‘The New Year Groove’ azakora tariki ya 1 Mutarama 2025, muri BK Arena.
Ni amatike ucishije bugufi n’umuherwe bakunda The Ben bazibonamo, kuko itike ya make ari ibihumbi 5 Frw ahasanzwe mu gihe iya menshi ari miliyoni 1.5 Frw muri Business suits.
Andi matike ahari ni iy’ibihumbi 10 mu myanya yo hejuru, ibihumbi 15 hasi, ibihumbi 20 hasi imbere, ibihumbi 25 CIP, n’ibihumbi 50 muri Corporate corner.
Biteganyijwe ko muri iki gitaramo cyo kwinjira muri 2025, umuhanzi The Ben azaboneraho no kumurika indirimbo zigize alubumu ye ya gatatu, ikurikira ‘Amahirwe ya nyuma’ yakoze muri 2009 na ‘Ko Nahindutse’ yakoze muri 2016.
The Ben yaherukaga gutaramira muri BK Arena muri 2022, mu gitaramo cya Rwanda Rebirth Celebration Concert’, no muri 2019 mu gitaramo cya East African Party.
