Umuryango wa Olga Kayirangwa wababajwe n’amakuru yifungurwa ry’abasore babiri; Gatare Gideon Junior na Nasagambe Fred, bakekwagwaho kugira uruhare mu rupfu rw’u mwana wabo.
Aba basore babiri bari bafungiye mu Igororero rya Nyarugenge bashinjwa kugira uruhare mu rupfu rwa Olga Kayirangwa, rwabaye kuwa 26 Nzeri 2024 ubwo yari yagiye gusura izi nshuti ze.
Ku wa 21 Ukwakira 2024, urukiko Rwisumbuye rwa Kicukiro rwari rwasabiye aba basore babiri gufungwa iminsi 30 y’agateganyo, bagaragaza ko hari impamvu zikomeye zituma abaregwa bakekwaho ibyaha bakurikiranyweho, ndetse ko hakenewe iperereza ry’imbitse.
Mu iburanisha ryo kuri uyu wa 7 Ugushyingo 2024 mu Rukiko Rwisumbuye rwa Nyarugenge, abo basore babiri n’ababunganira bagaragarije urukiko ko bajuririye icyemezo cyo gufungwa iminsi 30 y’agateganyo kuko batanyuzwe nacyo.
Amakuru dukesha Igihe ni uko kuri ubu aba basore bamaze kurekurwa ku busabe bw’Ubushinjacyaha, nyuma y’uko bugaragaje ko nta bimenyetso bihagije bibahamya icyaha.
Umuryango wa Olga ntiwanyuzwe nirekurwa ry’aba basore, ndetse barateganya gusaba inzego bireba ko zitanga ibisobanuro birambuye ku cyatumye abo basore barekurwa, ndetse bagatanga ubutabera ku mpande zombi.
Icyemezo cy’ifungurwa ry’aba basore cyaje nyuma y’umunsi umwe Urukiko Rwisumbuye rwa Nyarugenge, rwari rwategetse ko bakomeza gufungwa byagateganyo kuko bagikorerwa iperereza.
Aba basore babiri Nasagambe Fred yakekwagaho icyaha cy’ubwicanyi ku bushake, mu gihe Gatare Gedeon Junior we yarakurikiranyweho ubufatanyacyaha muri icyo cyaha.
